فوائد مؤتمر القمة ::زجل::

[سلاف]

فوائد مؤتمر القمة

امك قالت هيها لأمـــي ........ بكفي فرقة وانقســـــــــام

عقدو القمة وانهو القمة .......... سبب الفرقة هالحكــــــام

صدرت عنهم بيانـــات ................. فِ صحافة فَ الإذاعـات

فلو محلُ هالخلافــــات ............ ما مسحُ دموع الأيتــــــام

عقدو القمة في دمشــق ......... أقرو الباطل ضد الحــــق

شافُ عرفُ كل الخلـق ............... مين الي أقدم عل حَـــرام

هذي القمة عقدوهــــــا ............... مطالب أمريكا لَّبوهــــــا

البنت الي فقدت أبوهـا ................ ما بربوها إل أعمــــــــام

هذه القمة الرقم العشرين ............ تعودنا عليها من ســنيـن

بغداد بتنده عَ فلسطيـن ......... سوية نـَــــــحن في الألام


عتابا
انا بغني للوطن زجل وحــدي ...... بساح المجد انصفيت وحـدي
فلسطيني عربي طلاب وحدي ...... من بحر يافا الى شط العـرب

بقلم الشاعر وهدان البرغوثي

[سلاف]

دخلك قل لي يـا وهـدان *** بالله شـو نفـع العربـان
شايفهم رعـوة خرفـان ****بتسـرح وسـط البريـة
يا ما اكثر رعيان الحـي **** وكل واحد عامل لي صبي
متبطح فـي مـاي وفـي **** وشعبـه تحـت القلـيـة
قالـوا قمـة للتحـريـر **** طلعت من اجل التصوير
شفنا ناكـر ويـا نكيـر **** ويـا عينـي ع البقـيـة
قولك ها الحالـة بتـدوم ****ونرضى بالأمر المحتـوم
ولا الشعب العربي يقـوم ****ويقلـب لـي هالطبليـة

بقلم الشاعر عيسى عدوي

[سلاف]

شبعونا خطابــــــــــــــــــــات ............ جوعونا بهالـــــــحيــــــــــــات

ما بنغير هالعــــــــــــــــادات ............ ولا بنلغي دور هــــــالبندقيـة

لأجل الأقصى والصخــــــرة ............ وحنا فجرنا هالثـــــــــــــورة

ثورة شعبية وحـــــــــــــــرة ............ وحرة هالثورة الشعــــــــبية

يا عدوي يسلم لسانـــــــــك ............ وانت الفارس عَظهر حصانك

ولي بساوم على أوطانــــك ............ اطعن بَطنُ بشـــــــــــــــــبرية

يا عدوي انت زميلــــــــــي ............ شعرك يشفي غليـــــــــــــلي

مهما يظلم ليلك وليــــــــلي ............ بتشرق شمس الحـــــــــرية

بقلم الشاعر وهدان البرغوثي

[سلاف]

دوامه لهذا الحال ***** امر مرفوض ومحال
اكتب شعرالارتجال***** عنها لهالقضيه


شمس الحريه بتشرق ***** و ظهور العدا بتحرق
و الامر رايح يفرق ***** منها شمس الحريه

رح تتكشف هالعيوب **** تقلب عليها لشعوب
بس بدها صحوة قلوب**** وشوية انسانية


بقلم الشاعر صهيب الجماعيني

[سلاف]

لا اعتاقال ولا تفتيش ***** حل الغال من ايديي
من حقو هشعب يعيش ***** تحت ظلال الحرية
الحرية المنشودة ***** بدها زنودك وزنودي
بدها جهودك وجهودي ***** بدها الوحدة الوطنية
من المحتل متخافوش ***** احنا بشر محنا وحوش
عشنا عل العدس المجروش ***** احنا ابناء الفقرية


عتابا
كاس المر من شهدك بحلــــو
قيد الظلم من زندك بحــــــــلو
قتل الخوان في شرعي بحلو
جواة القبر بلقى عقـــــــــــاب

الى الزميل العزيز صهيب الجماعيني

بقلم الشاعر وهدان البرغوثي

[سلاف]

احنا شعب مش مفجوع ***** عشنا ع الجبن المنقوع
اذا انا بيوم انجـــــــوع ***** نوكل قمح و قليــــــــــــه

احنا هالشعب الجبار ***** ما بنقصر بمشوار
مش عبيد احنا احرار ***** لـــــو كنــــا اقليــــه

ان كنه زارك احباط **** وبداخل قلبك احاط
اعرف انك برباط ***** بالارض العربيــــه

بقلم الشاعر صهيب الجماعيني

[أسير الصمت]

[سراب]

هذه القمة الرقم العشرين ............ تعودنا عليها من ســنيـن

بغداد بتنده عَ فلسطيـن ......... سوية نـَــــــحن في الألام


كلمات راااااائعة
اشكرك سلاف
لا تحرمينا من اطلالتك